ភ្នំវែងអន្លាយ សាយជាប់ជើងមេឃ
ខ្ពង់រាបល្អប្លែក ស្រស់ចម្លែកម្ល៉េះ
ដើមឈើធំៗ ឫសកែវចាក់ស្រែះ
ផ្កាព្រៃថ្លៃទេស វិសេសលោកា។
ដងទន្លេមូល គូរជាប់ដីរាប
វាលស្រូវទំនាប រៀបក្រុងសង្ហា
ដែនដីបុរាណ អង្គរខេមរា
នគររាជសីមា ចារជាប្រវត្តិ។
គន់ប្រាង្គប្រាសាទ ស្អាតគ្មានអ្វីផ្ទឹម
រីកស្រស់ញញឹម ក្នុងសួនពិសម័យ
ក្បាច់ថ្មរំលេច ជាងពេជ្រចរណៃ
លើសដងគិរី រមណីយបព្វតា។
ប្រជាស្រីប្រុស ខ្ពស់ទាបរាបសារ
គោរពដូនតា ក្បួនអក្សរសាស្ត្រ
ច្បាស់ប្រពៃណី កន្ទ្រឹមល្អល្អះ
ជុំញាតិក្មេងចាស់ ពិម៉ៃស្នេហ៍អើយ។
និពន្ធដោយ៖ ប៉ុក បញ្ញាវុធ (២២.០២.២០១៣)
