ផលបុណ្យនារី សាងពីបុព្វេ
ធម្មជាតិផ្តល់កេរ មត៌កជីវិត
សំឡេងស្រួយស្រែស ពីរោះពេកពិត
អស់ផៅញាតិមិត្ត ប៉ងកិតជិតក្បែរ។
នាងរស់សុទ្ធា ថែមពាក្យសិរី
មង្គលថ្លាថ្លៃ ពីបាត់ដំបង
កិត្តិនាមខ្ទរខ្ទារ សោភាភូមិផង
ឱ!ដំណាក់ហ្លួង ជួងមាសអស់កម្ម។
ដំណើរមកដល់ ភ្នំពេញភារា
រស់សិរីសុទ្ធា ប្រែជាសេរី
អ៊ឹមសុងសឺមផ្សំ ហួយមាសស្រស់ស្រាយ
ប៉ែនរ៉នត្រួសត្រាយ ធ្លាប់រៀនរួមគ្នា។
សំឡេងពីរោះ ច្រៀងស្រួយបំផុត
ស៊ីនស៊ីសាមុត សម្តេចឪល្បី
ប្រទានរម្យងារ សោះសមស្រស់ស្រី
ព្រះរាជធានី សំឡេងមាសខ្មែរ។
និពន្ធដោយ៖ ប៉ុក បញ្ញាវុធ (១៧.០២.២០១៣)
រសសំឡេងរស់សេរីសុទ្ធា
