កំលោះក្រមុំក្រុងបាត់ដំបង

(រួម)៖ ឆ្នាំនេះឆ្នាំថ្មី                         ប្រុសស្រីច្រៀងរាំ

កំលោះក្រមុំ                                ឡើងរាំសប្បាយ​  (២ដង)។

(ប)៖ បងសូមនួននាង                    ស្រីឡើងច្រៀងរាំ

ប្រឡងនឹងបង                             កន្លង់ក្រុងយើង

(ស)៖ នារីក្រមុំ                             កំពុងឡើងទ្រើង

បាត់ដំបងយើង                            សូមស្ម័គ្រកំដរ។

(រួម)៖ ឆ្នាំនេះឆ្នាំថ្មី                         ប្រុសស្រីច្រៀងរាំ

កំលោះក្រមុំ                                ឡើងរាំសប្បាយ ​ (២ដង)។

(ប)៖ ឆ្នាំថ្មីរាំលេង                          ក្នុងភាពមេត្រី

សែនសមស្រស់ស្រី                      ដៃទន់បង់បោយ

(ស)៖ អីនែ!ប្រយ័ត្ន                       កុំអោយថ្លោះធ្លោយ

អូនព្រមរាំហើយ                           កុំជាន់ជើងខ្ញុំ។

និពន្ធដោយ៖  ប៉ុក បញ្ញាវុធ  (១៦.០៤.២០១៣)