Tuesday, April 16, 2013

សម្រស់ខ្នងភ្នំសំពៅ


ពេលព្រឹកព្រលឹម                          ញញឹមប្រិមប្រិយ
ក្រោមសូរ្យរស្មី                             មេឃខៀវស្រងាត់
តាមជណ្តើរថ្ម                              លឺសំឡេងសត្វ
ធម្មជាតិស្ងៀមស្ងាត់                      ទោចយំល្វើយៗ។

ខ្យល់បក់ត្រជាក់                           ស្លឹកឈើរវិច
វាលស្រែរំលេច                            បៃតងចងស្នេហ៍
ក្រុងបាត់ដំបង                             ឆ្ងាយសន្លឹមដែរ
ពណ៌សអ្វីទេ                               រាបជាប់ជើងមេឃ។

ឱ!អ្នកតាភ្នំ                                  ខ្ញុំសុំបែរបន់
ប្រាសាទបាណន់                         គន់ពីចម្ងាយ      
បោចផ្កាម្រះពៅ                           សុទ្ធាវែងឆ្ងាយ
រូងល្អាងសុសសាយ                      សប្បាយទេសចរណ៍។

គិរីបព៌ត                                      ជាប់វែងអន្លាយ
ដូចសក់ត្រសាយ                         ក្រាលគ្របលើស្មា
ភ្នំរំសាយសក់                              សែនស្រស់ត្រកាល
ទ្រុងមាន់ទ្រុងទា                           ក្តោងភ្នំក្រពើ។

និពន្ធដោយ៖  ប៉ុក បញ្ញាវុធ  (១៦.០៤.២០១៣)

Khmer People, The Main Citizen of Funan, Chenla and Kambujadesa Empire (Cambodia)

  Khmer Woman From Kampong Cham Province in the Past Royal of Angkor Khmer Kambujadesa Empire (Cambodia at the peak in history) Khmer people...