Thursday, February 28, 2013

ជ្រៃឃ្មុំជំរំចិត្ត


ដើមត្នោតដុះទេរ           រៀបស្រែល្វឹងល្វើយ
ដើមឈើរហើយ            រាយស្លឹកត្រសង
ឫស្សីរេរង់                      ហាក់ជួយឆ្លើយឆ្លង
ជ្រៃឃ្មុំឃុំគ្រង                ទងភួងបុប្ផា។

ផ្កាអ្វីស្រស់ណាស់         មិនដែលជួបទេ
ល្អស្អាតជាងគេ             លើសអ្នកភូមិផង
ចេះតុបចេះតែង            ក្រៅក្នុងម៉ត់ហ្មង
ផ្ទះឈើនួនល្អង             សែនសមប្លង់ខ្មែរ។

ឱ!រសចំប៉ា                     ចិន្តាជ្រៃឃ្មុំ
ឬកពាររម្យទម               ប្រណម្យថ្នមថ្នាក់
ការងារស្រាលធ្ងន់         អត់ធន់ទុកដាក់
សប្បាយឥតអាក់          មិនដែលធ្លាក់ដៃ។

ផ្ទៃបឹងត្រជាក់                ឆ្លាក់ស្នេហ៍និស្ស័យ
ប្រលោមស្រស់ស្រី       ជ្រៃឃ្មុំដួងចិត្ត                                 
ផលបុណ្យបុព្វេ             លួងលោមនិម្មិត
បងលួចស្នេហ៍ពិត         សំរិទ្ធព្រៃវែង។

និពន្ធដោយ៖ ប៉ុក បញ្ញាវុធ  (២៧.០២.២០១៣)

Khmer People, The Main Citizen of Funan, Chenla and Kambujadesa Empire (Cambodia)

  Khmer Woman From Kampong Cham Province in the Past Royal of Angkor Khmer Kambujadesa Empire (Cambodia at the peak in history) Khmer people...