ខ្យល់គួចថ្ងួចថ្ងូរ សូរសៀងភិរម្យ
ធីតាហួយមាស ធម្មជាតិស្រគំ
ពំនោលច្រៀងលោម លួងសំឡេងសួគ៌។
អ្នកបាត់ដំបង ទាំងពួងសរសើរ
ឈ្ងុយឈ្ងប់ប្រហើរ រនាតឯកក្រុង
បទភ្លេងបន្លឺ ច្រៀងស្មូតយូរលង់
ស្រួយតូចត្រយង់ គ្រប់វង់ពិធី។
នាមមាសមេត្រី ផ្សាយវិទ្យុជាតិ
គ្រប់អស់ផៅញាតិ ឆ្លៀតត្រងសណ្តាប់
អត្ថាធិប្បាយ ក្បោះក្បាយសាស័ព្ទ
ត្រឹមត្រូវតាមច្បាប់ ស័ព្ទសៀងពាក្យខ្មែរ។
ចំការសំរោង កម្រងមិត្តអើយ
វាលស្រែល្វឹងល្វើយ ស្រស់ស្រាយឆ្លើយឆ្លង
តួល្ខោននិយាយ នារីផលផង
រនាតណែងណង ឌឺដងកន្លង់។
រសសំឡេងហួយមាស
