ព្រះសូរ្យគងភ្នំ អោយខ្ញុំអាល័យ
ចិត្តនឹកមមៃ រាត្រីស្ទឹងខៀវ
រលករលេញ ប្រដេញសាដៀវ
សូរគួចលួចស្រៀវ ទុំទាវទឹកភ្នែក។
ស្ទឹងខៀវស្ទឹងចាស់ ចំណាស់សាស័ព្ទ
ច័ន្ទសាយរូបភ័ព្វ ស្តាប់សូរវាតា
តំណក់ទឹកភ្នែក រែកភពសោកា
ដូចដួងតារា មានតែរស្មី។
រាត្រីងងឹត បាំងបិទសិរី
ទួញសោកអាល័យ នឹកគូស្នេហា
ព្រាត់បាត់សូន្យឈឹង រំពឹងអ្នកណា
កលយុគពាធា កៀររូបប្រុសទៅ។
វត្ថុសក្តិសិទ្ធិ បារមីដូនតា
សូមជួយរក្សា ម្ចាស់ចិន្តាស្រី
ជួបតែក្តីសុខ ផុតទុក្ខផុតភ័យ
វិលវិញណាថ្លៃ និស្ស័យស្ទឹងខៀវ។
