ធីតាសំឡេងខ្នុរណាំង

សូរផ្អែមពីរោះ              សមឈ្មោះធីតា

សំឡេងអស្ចារ្យ            បុប្ផាខ្នុរណាំង

ប៉ែនរ៉នភិរម្យ                ប្រជុំសម្រាំង

អ្នកចម្រៀងចាំង           ពីបាត់ដំបង។

ប៉ែនរ៉នកំប្លុក                ទុកតាំងពីក្មេង

ពូកែលលេង               ក្រមិចក្រមើម

គ្រូភ្លេងបង្រៀន            មានអ៊ឹមសុងសឺម

ហួយមាសរសផ្អែម       សាមគ្គីសុទ្ធា។

ប៉ែនរ៉នល្បីល្បាញ        នាដងស្ទឹងខៀវ

ហូរហែរកញ្ជ្រៀវ           ស្រៀវស្ញើចសរសើរ

ភាសារមទម្យ              សក្តិសមដំណើរ

កេរ្តិ៍ឈ្មោះប្រហើរ         លើអ្នកភូមិផង។

ពីហុកប្រាំមួយ             លាស់ត្រួយប្រសើរ

ប៉ែនរ៉នដំណើរ             ច្រៀងនៅភ្នំពេញ

ស៊ីនស៊ីសាមុត             ច្រៀងឥតទោម្នេញ

រួមទោលពោរពេញ       ខ្នុរណាំងសុសសាយ។

និពន្ធដោយ៖ ប៉ុក បញ្ញាវុធ  (២៣.០២.២០១៣)   

រសសំឡេងប៉ែនរ៉ន